صبـــــــــــــــــاحـ//مســــــــــــــــــاء الجـ ـ ـ ـ ـ ـوري
إزيــــــــــــــــــكوا..
ندخل في الموضــــوع علي طــــول >> مو عرض
الله يسلمكم ذاك اليوم وانا جالسه على كنب بيتنا << يعنني عندنا كنب
واجلس اقلب في جريدة عكاظ ..>> مثقفه الاخت
وكل شوي طايحه على الارض
واقرى ذاك الخبر حق الجيزاني الي طلع ابوه تركي >> طلع الولد مبٌدل
وعلي طول جاني احساس وشعور والهام ومها ومنيره
وجلست افكر وافكر وافكر وغفيت ((نعست))
شوي لمن صحيت وكملت تفكير
وقلت لايكون انا بعد مبدله << الله يشفيك بس
واروح لي مامي وهي في المطبخ وهي تزين قرصان<<اللي ما يعرف القرصان لا يقول لي اشرحي
انا : ماما ماما ماما ماما
مامي << يقالي كشخه : وجع وش تبين << حنونه امي فديتها
انا : انا بنتك..؟
ماما :
لا انتي بنت ام دحمي جيراننا
و ارووح اركض لغرفتي وانا ابكي ودمعي اربع اربع:
واستلقى على سريري وامسك دبي واجلس ابكي وابكي وابكي << نصابه قسم ماعندي دب بس يقالي
مثل هالبنات خخخ
لا صدق ..واقوم انقز واجيب شنطتي وحطيت فيها لاب توبي وملابسي و
وشنطه الميك اب>> يااااي
وانزل و البس عباتي واكتب رساله وداع لاهلي واعلقها على الباب
(( إلى اهلي النصابين الي قالو اني بنتهم وانا منيب بنتهم
تراني برووح الى الابد
الى القاء
ابنتكم المخلصه ))
المهم واروح لبيت ام دحمي
وادقدق الجرس عليهم
واسمع ذاك الصووت الي يوم سمعته يفز قلبي وحسيت فيه حنان امومه << امحق
خيرررررر وجع بلا وجع وشذا الازعاج
ويوم انفتح الباب
اجلس اصيح واضم الحرمه الي فتحت لي الباب
يمه يمه اشتقت لك وراك تركتيني وش انا مسويه لكم
ام دحمي : قسم موب بيدي بس رجلي غصبني << تعيش الجو بسرعه
واجلس ابتكي صدق يعني انا بنتك صدق ؟
ام دحمي : هااو وشو بنته الله يصلح حالك اقول طسي بيت اهلك بس
انا : بس انتي امي :*********
ام دحمي : من زينك عشان اصير امتك انا مو متحمله عيالي تجين تنشبين لي
انا : الله وعندي اخوان بعد <<< يعنني موب ناشبه عند جيرانهم 24 ساعه
ام دحمي : قسم مالي خلقك وخري من خشتي خليني اروح اكمل غسيل الحووش
انا : طيب اذا انتي موب امي من امي:********* (( تعرف تمثل ))
ام دحمي : انتي اصلا امك خطفتك من ايطاليين ولا انتي منتب سعوديه
انا : وانا اقووول وراني احس اني اهبل وفيني زين مهوب في احد << مشكله الثقه
ام دحمي : اقول صدق صدق شكل ماعندك مرايات في البيت انقلعي << اخلاق سياحيه
و تتريق في خشتي واتحطم واجلس اركض في الشارع ابكي وشعري يتطاير <<< ودي دايم اسويها
المهم وقلت يابنت مالك إلا اهلك
وارجع لبيتنا وانقز بدوون ماحد يشووفني واشقق الرساله << يعنني ما هجيت من البيت
وانقز لغرفتي وارجع اغراضي واخمد
طبعا وبعد اسبوووع من المووضوع إلى كل الحاره دارين عن سالفتي
وام دحيم ماخلت احد ماقالت له وكل ما شفت احد قام يضحك علي
لا واثر امي مصوره نسخ من الرساله وكل من قالت له ام دحمي السالفه امي ارسلت له نسخه من
الرساله
وصارت سالفتي على كل لسان
في نهايه قصة حياتي
ما يستفاااد :
1- ترى اهلك هم اهلك لاتفكر تتركهم
2- كل السالفه نصب << قولي قسم بس >> تبي تتسطر
3- لا فكرت ان اهلك مهوب اهلك لاتروح لام دحمي وتقول لها انتي امي
4- الله يخلف علي امي استخفيت